Атмосфера ҳавосининг сифат мезонлари

Ҳавонинг ифлосланиш даражаси атмосферадаги ифлослантирувчи модданинг фактик аралашмалар концентрацияси (мг/м³, мкг/м³да) билан рухсат этилган концентрацияси (РЭК) таққослаб баҳоланади.

РЭК – бутун ҳаёт давомида ҳозирги ёки келажак авлодга бевосита ёки билвосита ноқулай таъсир кўрсатмайдиган, одамларнинг ишлаш қобилиятини туширмайдиган, унинг аҳволи ва санитария-маиший ҳаёт шароитларини ёмонлаштирмайдиган концентрация. РЭК катталиклари 1 м³ҳавода мг модда (мг/м³)да келтирилган.

РЭК б.м. – ифлослантирувчи модданинг яшаш жойлари ҳавосидаги рухсат этилган бир марталик концентрацияси, мг/м³да;

РЭК ў.с. - ифлослантирувчи модданинг яшаш жойлари ҳавосидаги рухсат этилган ўртача суткалик концентрацияси, мг/м³да

*Ифлослантирувчи моддалар миқдори СанҚваН 0053-23 рухсат этилган меъёрлари билан таққосланади, унга 2024-йил 27-май куни майда дисперсли заррачалар РМ 2,5 концентрацияси бўйича ўзгартириш киритилган.

Ифлослантирувчи моддаларнинг рухсат этилган концентрациялари

*Аралашма*	*РЭК қийматлари, мг/м³*
*Аралашма*	*Бир марталик максимал,* (*РЭК б.м.)*	*Ўртача суткалик* *(РЭК ў.с.)*	*Ўртача йиллик* *(РЭК ў.й.)*
*Асосий ифлослантирувчи моддалар*
*Олтингугурт диоксиди*	*0,5*	*0,05*	-
*Углерод оксиди*	5	3	3
*Азот диоксиди*	*0,085*	*0,06*	*0,04*
*Азот оксиди*	*0,6*	*0,25*	*0,06*
*Муаллақ моддалар*	*0,5*	*0,15*	*0,075*
*Ўзига хос ифлослантирувчи моддалар*
*Аммиак*	*0,2*	*0,10*	*0,04*
*Озон*	*0,16*	*0,10*	*0,03*
*Фенол*	*0,01*	*0,006*	*0,003*
*Формальдегид*	*0,035*	*0,01*	*0,003*
Майда дисперсли заррачалар
*РМ2,5*	-	*60 мкг/м³*	*35 мкг/м³*
*РМ10*	*500 мкг/м³*	*300 мкг/м³*	*50 мкг/м³*

Атмосфера ҳавоси ифлосланиш даражасининг интеграл кўрсаткичи - бу атмосфера ҳавоси ифлосланиш индексидир (АИИ). У берилган ҳудудда энг кўп миқдорда мавжуд бўлган 5 та модда бўйича ҳисобланади ва модданинг хавф синфини эътиборга олади.

АИИ кузатувлар олиб борилаётган муайян аҳоли пунктларидаги атмосфера ҳавосининг ифлосланиш даражасини баҳолаш учун қулай санитар-гигиеник кўрсаткич ҳисобланади. АИИ ҳавонинг сурункали, давомли ифлосланиш даражасини тавсифлайди.

Ҳавонинг ифлосланиш даражаси АИИ 14 дан ошса жуда юқори, агар АИИ 7 дан 14 гача бўлса – юқори, АИИ 5 дан 7 гача бўлса – ошган, АИИ 5 дан кам бўлса – паст ҳисобланади.