2024 йилнинг 29 июль куни қуйидаги сув объектларида сув ифлосланиши индекси (СИИ) бўйича кимёвий ифлослантирувчилар миқдорига ер усти сувларидан намуналар олинди:
- Бўзсув канали – Телеминора ҳудуди. Мис бўйича – 2,0 РЭМ, фенол бўйича – 3,0 РЭМ концентрацияларнинг ошиши қайд этилган. Кислород тартиби қониқарли, эритилган кислороднинг концентрацияси 9,04 мгО2/л ни ташкил этди. Сув сифати III синф-ўртача ифлосланган сувлар, СИИ-1,25.
- Анхор канали – Кичик халқа йўлидан қуйида. Мис бўйича – 1,6 РЭМ, фенол бўйича – 4,0 РЭМ ва хром VI бўйича – 1,4 РЭМ концентрацияларнинг ошиши қайд этилган. Кислород тартиби қониқарли, эритилган кислороднинг концентрацияси 10,15 мгО2/л ни ташкил этди. Сув сифати III синф-ўртача ифлосланган сувлар, СИИ-1,37.
- Бўрижар канали- Megic sity боғи ҳудуди. Мис бўйича – 1,5 РЭМ, фенол бўйича – 4,0 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 10,37 мгО2/л ни ташкил этди. Сув сифати III синф-ўртача ифлосланган сувлар (СИИ-1,39).
- Салар канали – Экопаркдан қуйида. Мис бўйича – 5,2 РЭМ, фенол бўйича – 10,0 РЭМ ва хром VI бўйича – 1,3 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 8,45 мгО2/л ни ташкил этди. Сув сифати IV синф- ифлосланган сувлар, СИИ-3,11.
- Қорасув канали – Фурқат парки худуди. Мис бўйича – 2,3 РЭМ, фенол бўйича – 11,0 РЭМ ва хром VI бўйича – 1,2 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 8,64 мгО2/л ни ташкил этди. Сув сифати IV синф- ифлосланган сувлар, СИИ-2,72.
- Чорвоқ сув омбори – Тошкент вилояти Бўстонлиқ туманида жойлашган. Мис бўйича 1,1 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 9,23 мгО2/л ни ташкил этди. Сув сифати II синф - тоза сувлар, СИИ-0,46.
- Туябўғиз сув омбори – Тошкент вилоятидаги Оҳангорон дарёси ўрта оқимидаги гидротехник иншоат. Мис бўйича-1,9 РЭМ, фенол бўйича-5,0 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 7,99 мгО2/л ни ташкил этди. Сув сифати III синф-ўртача ифлосланган сувлар, СИИ-1,63.
Ўтган ҳафта билан солиштирилганда Бўзсув, Анхор ва Бўрижар каналлари, Туябўғиз ва Чорвоқ сув омборидаги сув сифати муҳим ўзгаришларга дуч келмади, Салар ва Қорасув каналлари бундан мустасно, бу ерда сув сифати ёмонлашди, СИИ бўйича ўртача ифлосланган сувлар III-синфидан - ифлосланган сувлар IV -синфига ўтди.
Ўтказилган таҳлил натижаларига кўра Тошкент шаҳри ва Тошкент вилояти каналлари ва сув омборларидан олинган сув кимёвий таҳлил кўрсаткичлари бўйича ўртача ифлосланган сувларга тўғри келади, Чорвоқ сув омбори бундан мустасно, бу ерда сув сифати тоза сувлар, ҳамда Салар ва Қорасув каналлари сув сифати ифлосланган сувларга тўғри келади.
Маълумот учун: Сув ифлосланиш индекси (СИИ) ер усти сувлари сифатини комплекс баҳолаш учун ишлатилади. Бу нафақат турли сув ҳавзаларидаги сув сифатини солиштириш, балки сув сифатининг вақтинчалик ва фазовий динамикасини баҳолаш имконини беради.