2024 йилнинг 16 июль куни қуйидаги сув объектларида сув ифлосланиши индекси (СИИ) бўйича кимёвий ифлослантирувчилар миқдорига ер усти сувларидан намуналар олинди:
- Бўзсув канали – Телеминора ҳудуди. Мис бўйича - 1,6 РЭМ, фенол бўйича – 2,0 РЭМ концентрацияларнинг ошиши қайд этилган. Кислород тартиби қониқарли, эритилган кислороднинг концентрацияси 12,71 мгО2/л ни ташкил этди. Сув сифати II синф тоза сувлар, СИИ-0,93.
- Анхор канали – Кичик халқа йўлидан қуйида. Мис бўйича 1,6 РЭМ ошиш қайд этилган. Кислород тартиби қониқарли, эритилган кислороднинг концентрацияси 10,94 мгО2/л ни ташкил этди. Сув сифати II синф - тоза сувлар, СИИ-0,65.
- Буржар канали- Megic sity боғи ҳудуди. Мис бўйича-1,5 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 11,32 мгО2/л ни ташкил этди. Сув сифати II синф-тоза сувлар (СИИ-0,63).
- Салар канали – Экопаркдан қуйида. Мис бўйича-3,9 РЭМ, фенол бўйича 7,0 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 8,06 мгО2/л ни ташкил этди. Сув сифати III синф-ўртача ифлосланган сувлар, СИИ-2,25.
- Қорасув канали – Фурқат парки худуди. Мис бўйича-1,9 РЭМ, фенол бўйича-4,0 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 6,27 мгО2/л ни ташкил этди. Сув сифати III синф-ўртача ифлосланган сувлар, СИИ-1,48.
- Чорвоқ сув омбори – Тошкент вилояти Бўстонлиқ туманида жойлашган. Мис бўйича-1,1 РЭМ, фенол бўйича-2,0 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 9,05 мгО2/л ни ташкил этди. Сув сифати тоза сувлар - II синф, СИИ-0,85.
- Туябўғиз сув омбори – Тошкент вилоятидаги Оҳангорон дарёси ўрта оқимидаги гидротехник иншоат. Мис бўйича-1,5 РЭМ, фенол бўйича-4,0 РЭМ ва нитритли азот бўйича-1,1 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 10,19 мгО2/л ни ташкил этди. Сув сифати III синф-ўртача ифлосланган сувлар, СИИ-1,32.
Ўтган ҳафтага билан солиштирилганда Тошкент шаҳридаги каналлар ва Тошкент вилояти сув омборларидаги сув сифати муҳим ўзгаришларга дуч келмади, Қорасув канали ва Туябўғиз сув омбори бундан мустасно, бу ерда сув сифати бироз ёмонлашди, СИИ бўйича тоза сувдан - ўртача ифлосланган сувларга ўтди.
Тошкент шаҳри ва Тошкент вилояти каналлари ва сув омборларидан олинган сув таҳлиллари натижаси кимёвий таҳлил кўрсаткичлари бўйича тоза ва ўртача ифлосланган сувларга тўғри келади
Маълумот учун: Сув ифлосланиш индекси (СИИ) ер усти сувлари сифатини комплекс баҳолаш учун ишлатилади. Бу нафақат турли сув ҳавзаларидаги сув сифатини солиштириш, балки сув сифатининг вақтинчалик ва фазовий динамикасини баҳолаш имконини беради.