2024 йилнинг 23 июль куни қуйидаги сув объектларида сув ифлосланиши индекси (СИИ) бўйича кимёвий ифлослантирувчилар миқдорига ер усти сувларидан намуналар олинди:
- Бўзсув канали – Телеминора ҳудуди. Мис бўйича – 2,1 РЭМ, фенол бўйича – 5,0 РЭМ ва биоген моддалар бўйича (БПК5) 1,8 РЭМ концентрацияларнинг ошиши қайд этилган. Кислород тартиби қониқарли, эритилган кислороднинг концентрацияси 11,59 мгО2/л ни ташкил этди. Сув сифати III синф-ўртача ифлосланган сувлар, СИИ-1,69.
- Анхор канали – Кичик халқа йўлидан қуйида. Мис бўйича – 1,9 РЭМ, фенол бўйича – 4,0 РЭМ ва биоген моддалар бўйича (БПК5) 1,7 РЭМ концентрацияларнинг ошиши қайд этилган. Кислород тартиби қониқарли, эритилган кислороднинг концентрацияси 11,41 мгО2/л ни ташкил этди. Сув сифати III синф-ўртача ифлосланган сувлар, СИИ-1,48.
- Буржар канали- Megic sity боғи ҳудуди. Мис бўйича – 1,5 РЭМ, фенол бўйича – 3,0 РЭМ ва биоген моддалар бўйича (БПК5) 1,8 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 11,74 мгО2/л ни ташкил этди. Сув сифати III синф-ўртача ифлосланган сувлар (СИИ-1,24).
- Салар канали – Экопаркдан қуйида. Мис бўйича – 4,7 РЭМ, фенол бўйича – 6,0 РЭМ ва биоген моддалар бўйича (БПК5) 1,6 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 10,87 мгО2/л ни ташкил этди. Сув сифати III синф-ўртача ифлосланган сувлар, СИИ-2,36.
- Қорасув канали – Фурқат парки худуди. Мис бўйича – 2,1 РЭМ, фенол бўйича – 6,0 РЭМ, хром VI бўйича – 1,1 РЭМ ва биоген моддалар бўйича (БПК5) 1,8 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 11,62 мгО2/л ни ташкил этди. Сув сифати III синф-ўртача ифлосланган сувлар, СИИ-2,02.
- Чорвоқ сув омбори – Тошкент вилояти Бўстонлиқ туманида жойлашган. Фенол бўйича-3,0 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 10,75 мгО2/л ни ташкил этди. Сув сифати тоза сувлар - II синф, СИИ-0,95.
- Туябўғиз сув омбори – Тошкент вилоятидаги Оҳангорон дарёси ўрта оқимидаги гидротехник иншоат. Мис бўйича-1,9 РЭМ, фенол бўйича-4,0 РЭМ концентрацияларнинг ошиши қайд этилган. Кислород тартиби қониқарли бўлди, эритилган кислороднинг концентрацияси 10,11 мгО2/л ни ташкил этди. Сув сифати III синф-ўртача ифлосланган сувлар, СИИ-1,43.
Ўтган ҳафтага билан солиштирилганда Қорасув канали, Салар канали, Туябўғиз ва Чорвоқ сув омборидаги сув сифати муҳим ўзгаришларга дуч келмади, Бўзсув, Анхор ва Буржар каналлари бундан мустасно, бу ерда сув сифати бироз ёмонлашди, СИИ бўйича тоза сувларнинг II-синфидан - ўртача ифлосланган сувларнинг III-синфига ўтди.
Ўтказилган таҳлил натижаларига кўра Тошкент шаҳри ва Тошкент вилояти каналлари ва сув омборларидан олинган сув кимёвий таҳлил кўрсаткичлари бўйича ўртача ифлосланган сувларга тўғри келади, Чорвоқ сув омбори бундан мустасно бу ерда сув сифати тоза сувлар.
Маълумот учун: Сув ифлосланиш индекси (СИИ) ер усти сувлари сифатини комплекс баҳолаш учун ишлатилади. Бу нафақат турли сув ҳавзаларидаги сув сифатини солиштириш, балки сув сифатининг вақтинчалик ва фазовий динамикасини баҳолаш имконини беради.